2012

2012轉眼快過，
回望今年，無穿無爛，
生活依舊。

願2013過得更好更有意義！

簡單就是美

花斑斑看生厭了，
來個簡單的法式都幾好吖！

短途美國

今次去美國只是工作三天，
連飛就5天，
都叫輕鬆了！

今次沒有upgrade,
來回各15多個鐘，
都夠受了！

無謂hea過幾日假

國慶幾日假，
無無謂謂咁就過左！
入左坪洲順道去龍母廟拜龍母媽媽。
係Agnesb食左high tea，
就咁就過完個假期！

可以怎麼樣

相處得越耐，
越發覺沒趣。

雞肋，
食之無味，
棄之可惜！
我有我講，
你有你做。

忍耐力越來越低，
包容力欠奉！
陳腔濫調，
自己也覺了無新意…

脾氣發過，
用持平的態度也談過，
結果怎樣？
也是老樣子！
容易也有個限度吧…

是我有問題，
還是你有問題？

我自己快糊塗了！

妹仔大過主人婆

原本只係打算買支GA新既濕粉，
點知攪攪下要做member，
買多少少..少少....
就係咁就敗了一大堆濕粉以外既東西了。

我愛雷絲

這個新整的雷絲甲，
很精緻可愛，
好耐無整這麼簡單的花式了！

朝聖.誠品

終於去了希慎誠品朝一朝，
雖然樓高三層，
但都是台灣的好行！

相信會我和家丁會好快再到台灣走多一趟

攪錯

去百瀧諗住食魚生飯做lunch，
點知去到話今日無刺身供應！
哎，激死我....
攪亂哂我個計劃！

結果係無得選擇下食左鮮茄海鮮意粉，
叫做比較低卡啦....

今日午餐好滿足了！

Growing

黃皮樹，
你大得好快，
Go go go!
Keep growing
Keep growing

烚烚烚

芋絲餐
芋絲一包，白烚菜一碗，蟹柳五條，

吃完好似無吃咁…
一陣又肚餓啦！

念力撐住：
我唔肚餓！
我唔肚餓！
我唔肚餓！

滑嘟嘟

一個好容易整既布丁！
用北海道3.6牛奶，
魚膠粉煮溶，加淡忌廉，糖，
雪凍，咁就係北海道牛奶布丁啦！
滑嘟嘟，好味道！

阿茂整餅

有同事生日，

我借機用麵包機焗了個chocolate cake帶回公司！

做蛋糕前我亦準備好週邊配置，

蛋糕盒，花邊紙....

始終攞返公司見人，

賣相都要過得人先得嘛！

起碼唔食得都睇得吖！

味道唔差，

只係較乾身，

同事們都食得好開心！

多少爺的兩枚棋子

"想逃離你佈下的陷井
卻陷入了另一個困境
我沒有決定輸嬴的勇氣
也沒有逃脫的幸運"

就是你這個模樣，
足夠令我們無反抗能力被控制在你手裡！

死貓奴！！

焗焗焗

呢排日日開機焗飽，
又好熱烘烘咁研究焗飽食譜，
買料，整湯種，
非常認真！

這個黑糖提子合桃麥飽，
算是成功，
大細適中又軟熟！

要比個叻自己先，哈哈！

象印麵包機

見人地用麵包機整包好似幾好味，
我又心郁郁，
所以忍唔住都敗了部返屋企玩下！

買機之前已經去油麻地二記買定材料;
高筋粉，全麥粉，吉士…
（因為自己心急，想有機就可以焗麵包)
呵呵！

今日一開箱就立即玩happy baking,
可能技巧未夠，
控制材料未到家，
雖然出來效果ok，
但未夠軟熟…
要再接再勵，
如果我既熱情能維持得耐的話 XDD

Paris Paris

十月份無得去巴黎，
唯有等明年吧！
巴黎，等我，
我總會與你相會！

急先鋒

三歲定八十，
性格係無得改！

想起就要做，
諗起就要買，
等都唔等得，
貪新鮮特質，
完美主意控，
這些就是我既性格！

要我改？點改？

氨基酸洗頭水

對於上半身既護理我一向都捨得。

最近游水後用過kiehls呢隻椰子味洗頭水sample,
感覺不俗，
順了，滑了
好像頭髮也少掉一些。

光速地敗了兩支，
承恵$635HK！

生b煩音

每日返工，
就一定聽倒附近個三八同陀孖b個同事講生仔經，
每日如是，隔個鐘就講！

還要公司週遭都有幾個大肚媽媽，
話題就總是離不開生仔，湊仔，教仔！
聽到我快按捺不住，想打人了…
或者是我自己煞有介事吧！

有時侯她們在我面前講，
我又不能叫她們收聲，
又要強裝歡笑，
真的很難受！

飛甩雞毛

這對應該是我活了三十五戴，
最貴的一對鞋了！
幾千元一對鞋，
(意大利退稅後價錢是很化算的)
老實說，並不好著！
皮硬，夾腳，不好穿…
但，總叫擁有過一對，
才對得住自己！
都是一句，I am shopaholic !

頂住，要頂住

其實要減15磅，
話難唔難，話易唔易。
說到底都是恆心同耐力，
節制飲食加運動，
二個月，15磅，應該得！
頂住呀！

煩透心

這兩月進出獸醫診所的次數多到數不清！

7月份拖肥仔尿道發炎看了三次醫生，
幸好情况已改善。

八月份又到多多小便有血兼尿頻，
又驗尿又種菌，
結果種菌發現有大腸桿菌，
要吃抗生素三星期，
誰不知大少腸胃不接受，
吃了抗生素肚痾又無胃口！
要改為打抗生素針，
情況就好轉少許，
但針不能長時間打針，
現在改吃人吃的抗生素，
希望無大礙吧！

照顧這些主子，
真是心餘力竭。

同肥肉再決戰

自我放縱太耐，

賤肉又向外發展了。

上年的衣服已有部份穿不下，

再加上被好友温馨提示，

自己也感到很難堪.....

為自己健康著想，

是時候要和肥肉決戰！

這場硬仗真的要好好堅持下去！！

滿足感

很有趣，
看著你們由一粒核，
到慢慢發芽，長高，
每天為你們澆水，
內心不禁沾沾自喜！

真的很喜歡種植的樂趣^^

愛得瘋狂 - Tom Hardy

看完了 "This Means War"後,
就瘋狂地迷上這英國帥哥 Tom Hardy.....
比愛奇洛愛得更瘋狂!!

病

可否快點好？
不想咳下去了！
之前吃的中藥都化為烏有啦。
很無奈呀！

愛，回家

辛苦了兩星期，
終於回家了！

還是貓窩最舒服，
Home Sweet Home

可愛小白菊

Guernsey的天氣真的很美，
綠草和小白菊處處也是，
令人感覺非常愉快
這裡真是一個無憂的小島。

NY NY

今次旅程有個weekend可留在NY過，
星期六在soho無聊地hea
星期日也是在Broadway到處走走。
但我倒是喜歡NY。
相信很快會再來。

飛人生活

飛十日，
美國英國，
其實都習慣了，
只是坐飛機不能入睡有點辛苦，
腰酸背痛，膝關節又不舒服。
有時候想，
這樣的生活我還能撐多久？
如果真的有了小孩，
還可以這樣麼？

一路好走

深夜兩點收到電話，
其實都心知不妙。
趕到醫院，
看見你安靜地熟睡著，
其實內心是替你高興，
因為你不再要受痛苦了！
但眼淚是不受控地流，
始終都是捨不得你離開。
大姨，
願你一路好走，
早登極樂，
不用記掛著一對子女，
他們一定很生性的！
你會長存在我心裡。

大少真驕寵

多多呀，
你要什麼時候才可以令我倆洗少一點錢呢？
先是做手術，
跟著又肚痾，要看醫生轉糧。
現在又要打骨骼針，
一星期一次，連打一個月。
天啊，
沒了沒完！
有時候我在想我是不是養錯你啊－．－
暈了…

可以怎樣

不想給自己太大壓力，
但當你見身邊的朋友一個個有了，
我可以怎樣？
現在心裡很不舒服，
自己真的想要嗎？
自己有能力嗎？
身邊的人會有壓力嗎？
現只知道，
你想有，
都不是一件易事…
但願今年可成事。

痛苦

看見你辛苦的樣子，
我內心真的很難受，
但願你可以遠離痛苦，
早登極樂…